E L P A N D E M A R A N
SAVERE FARE 'L PAN,
SOMEJA SIA NORMALE,
PA ' NCO' E PAR DOMAN
E GNENTE DE SPECIALE.
AQUA, FARINA E LIEVITO,
UN PISSIGO A SALARE
E DOPO … COSA CREDITO,
CHE QUESTO PO'E BASTARE ?
SE NO' GHE XE QUEL'ARTE
E TUTA LA PASSION,
TE PU'I A RASSEGNARTE,
CHE NO 'L TE VIEN MIA BON.
E FARE BEN 'L FORNARO,
MA COME DIO COMANDA,
A L'E' UN MESTIERO RARO;
DE NOTE ZO' DA'A BRANDA !
DEL PAN CHE FA CASSOLA
S'IN MAGNA A PI' NON POSSO,
A TANTI 'L GHE FA GOLA,
E ANCA MI M'INGOSSO.
E QUEL DE “BORTOLON”,
CHE L'E' DE TANTE SORTE,
SAVEMO CH'EL XE BON,
DE QUALITA' L'E' FORTE !
E DOPO, 'L PAN DEL “TOTO”
A L'E' ECESSIONALE,
SIA FRESCO, CHE BISCOTO,
A NO' GH'IN E' DE UGUALE.
LUCARDA E PO' BERTELE,
FIN QUALCHE TENPO FA',
LE CIOPE, LE PI' BELE,
I LE FASEVA LA'.
CO'E MACHINE, COL FORNO
I XE SENPRE INDAFARA',
E TUTO I PARA TORNO
PAR FARE 'STA BONTA'.
LE FABRICHE IN PAESE
E QUASI OGN'ARTIGIAN,
LE SO' ENERGIE I GA SPESE
PA'E MACHINE DA PAN.
DEN LODE A LA POLENTA
DEL MAIS QUA DE MARAN,
MA 'A GENTE XE CONTENTA
DE DIR: L'E' BON 'NCA 'L PAN !
Mariano Guzzonato